सिचाई योजना निर्माणले लालीगुराँस ९ का किसान उत्साहित

तेह्रथुम। २ वर्षदेखि क्रममागत रुपमा निर्माण सुरु भएको लालीगुराँस नगरपालिका ९ स्थित पिंगुवा गुर्धुम काँडे सिचाई ओजना निर्माण भएपछि किसानले सिचाई सुविधामा सहज हुने  भएको छ । ३८ लाख बढी रकममा निर्माण भई रहेको सिचाई योजनाबाट ३६ हेक्टर क्षेत्रफलमा हिउँद वर्षात नै सिचाई सुविधा पुग्ने भएको उपभोक्ता समितिका सचिव धिरेन कुमार गुरुङले बताए । सिचाई सुविधा नहुनाले लालीगुराँस ९ काँडे किसान समस्या थिए ।

कृषि उपज, तरकारी र अलैची खेतीका लागि प्रयोग हुने कुलो नहुँदा किसानले सिचाईको लागि समस्या भोग्दै आएका थिए । तर अहिले साना सिचाई कार्यक्रमबाट कुलो निर्माण भएपछि लालीगुराँस नगरपालिका काँडेका किसानहरुको सिचाई समस्या हट्ने भएको छ ।

जलस्रोत तथा सिंचाई विकास डिभिजन तेह्रथुम मार्फत प्रदेश सरकार र उपभोक्ताको जनश्रमदानमा कुलो निर्माण भएको हो । पिंगुवा गुर्धुम काँडे साना सिचाई ओजना ३८ लाखमा निर्माण भएको हो । सिचाई योजना सम्पन्न भएपछि व्यवसायीक कृषि उपज उत्पादनमा सहज हुने उपभोक्ता हेम लिम्वुले बताए ।
सिचाई योजनाबाट ३६ हेक्टर क्षेत्रफलमा हिउँद वर्षात नै सिचाई सुविधा पुग्ने भएको छ । २ हजार ८ सय मिटर लामो पक्कि कुलो निर्माणका लागि उपभोक्ताको ६ प्रतिशत र प्रदेश सरकारको ३८ लाख लगानी रहेको छ ।